【Kiehl's 保濕乳霜】實測 Ultra Facial Cream!放入冰水凍僵咗依然咁保濕?顛覆對Kiehl's的印象!| iTRIAL美評

25.01.2019

有留意開護膚品嘅你應該對Kiehl’s的皇牌 Ultra Facial Cream 特效保濕乳霜不陌生!!今年2019年仲新出左升級版本,提升了保濕功效,聲稱去極地都用得!

原本我收到的時侯都半信半疑,因為用過同牌子產品不算太突出,而且容易敏感同生暗瘡嘅我對上臉的產品十分謹慎,但用完這個竟令我對Kiehl’s的印象完全顛覆?!今次就等我哋iTRIAL美評試下佢掂唔掂!

Text: 吃了誠實豆沙包的吉吉Gutgut(IG: katiekwongxx)|Editor: TIffany Ng |Photo:吉吉 & Sing Ho

Kiehl’s Ultra Facial Cream 升級版特效保濕乳霜

價錢:$300/50ml ; $530/125ml

平均價錢:$6/ml;$4.24/ml


Kiehl’s Ultra Facial Cream 升級版特效保濕乳霜實測

只有一粒發泡膠粒黏住手背。

質地滋潤易推,約15秒可完全吸收,吸收後不黏笠,但感覺有一層薄薄的保護膜令皮膚保持滋潤。


塗上面霜前

塗上面霜後

保濕度:3.5分

上臉感覺舒服,皮膚變得柔軟。保濕度即時提高10%,保濕度中等。油分也減少了21%,保濕之餘不會太黏笠導致出油,效果不錯。


因為我平時懶搽handcream的關係,手部乾紋都幾嚴重。塗完後乾紋減淡了一點,驚喜係變得有光澤!!


由於我想試下佢係咪可以好似廣告咁,承受到冰山極地嘅極端乾燥天氣,所以今次我無懼嚴寒,親手送我隻手去可怕的冰塊之中,睇下佢可唔可以保護好我隻乾手!

塗面霜前

自虐測試中

塗面霜後

鎖水度:5分

經過五分鐘自虐,我隻手已經凍僵仲紅哂!但神奇嘅係竟然水份同油份都只係減左1%,隻手仲無變得更乾,睇嚟佢承受極端環境嘅能力不錯!坐飛機、去旅行必備!


總評語:

用左幾日,感敏皮膚嘅我表示滿意!保濕之餘仲可以令我嘅皮膚變得穩定,無生粒粒或暗瘡,不油不黏笠!面霜日日用,真係要揀隻唔會致敏,無防腐劑的先放心〜不過佢唯一缺點係再乾燥時可能會不夠潤,加埋保濕精華用就完美!希望大家覺得呢個分享有用,下次再見〜〜

總評分
4.5
美評
Share :